يامحمد الوافي بحثت الخوافي وخليتني اسبح في بحور اللواعيب
العود هجرس والتطم واستهافي جاته هواجيسن وجالته دواليب
ياليت قلبي دالهن ومتعافي مير البلا مايكبر القلب ويشيب
ياما ركبنا من جموسن وهافي وجيبن من الساير جديد اللواليب
انا هوايه شوف حم الشعافي طوال الغوارب مقوسات العراقيب
وخوت نشاما مع وسيع الفيافي كلن يبي يسبق رفيقه ع الطيب
والطيب تسمع فيه ولا يشافي وترا الخبر ياصل بليا مناديب
وانا اشهدنك يامحمد سنافي جالك مع الرجحان فعل وتجاريب
ياشوق من فيها جمال وعفافي قبلك تعذر من جميع الخطاطيب
واخوانك الوافين كلن سنافي اشبولً تسابق للفخر والابو شيب
كلن يقول انا ليا قمت كافي وصاني الوالد لنطح المواجيب
عوداً برز بالطيب ماهوب خافي بنا لكم مجداً على غيره صعيب
عويّض بكره الديحاني
حي الجواب الي منقّا وصافي مثل العسل لاذيق واطيب من الطيب
من راس عودن لاعتزوبه يشافي في حزتن يبلش بها الاش ويغيب
ويوم المغازي والسنين العجافي والخيل تسرج للطلب والمضاريب
جدانه بحدب السيوف الرهافي رعايت القفر المطرف ليا هيب
جايز ماجاز من الحياة متعافي افنا بروحه عند حرش العراقيب
وتلقى حنس لاكلّبنا الاشافي وذاير ضمان الابل مهدي الاصاعيب
واليوم يا عويّض بدا كل خافي وقمت اتوجد مثل شالح على ذيب
هضت وتهيض خاطرك بالقوافي وهيضت جارك ياحصان الاطاليب
ابشر بما تبغاه والخير ضافي حنا هل الجيره واهل شمخ النيب
الجار نوفي مطلبه لين يافي وندراه مثل الماء بكف الشواريب
ولا أستمعْ به هرج ملفي ولافي وقدام لاخذ منه معطي ولا اجيب
سلمن لزعبً ماعليه اختلافي اي والذي مرسل لنا نوح واشعيب
محمد بن وافي