بسم الله الرحمن الرحيم
القصيده وقصتها كامله حسب مارواها شاعرها رحمه الله
مناسبة هذه القصيده كان رحمه الله في طريقه عائد الى الكويت بعد زيارته لاهله في (
وادي برك ) يقع الوادي تحديدًا بعد محافظة حوطة بني تميم بحوالي 40 كلم
وكان ذلك قبل 38 عام تقريبا ولا يوجد طرق مسفلته ولا مراكز للصيانه في الا
في المدن الرئيسيه وتعطلت به سيارته في طريق الرجعه في الشمال قبل وصوله لدوله
الكويت ومر به بعض الشباب في ذلك الوقت في المكان الذي تعطلت به السياره ونخاهم
يساعدونه ويسحبون سيارته حتى بلوغ المدينه ولاكن للاسف ماثمنوا نخوته لهم حتى
قيض الله له ان يلتقي برجل من قبيلة زعب ويدعى ( ربيع الزعبي ) ونخاه وانتخى له
قال وشفيك ياولد قال شوفك بعينك السياره متعطله وادور على اللي مثلك وشرواك قال
وين انت تبي قال ابي الكويت قال الامنت بتبي بغداد قال لاوالته ابي الكويت ولا وصلنا
الكويت فالته لايهينك قال لايهم والثه باذن الله مايجي دور هالليله الا وانت فيه ان مشى
مشينا وانا مامشى شليناه وفعلا سحب السياره وصلحه وبعد ماصلحه وجيت بسلم
حق التصليح حلف ودفع حق التصليح وهذا يدل على طيب ساس هذا الرجل وكرمه
الامحدود وقام بالواجب وزاد عليه
ومعدن الرجل الطيب مايبين الا بالمواقف وعزالئه انه من قبيله ذكرها يرفع الراس ويشهد
على ذلك وقفتهم دون قصيرهم في وجه الشريف اللي كلا يعرفها وفخرا لهم يستاهلونه
لين تقوم الساعه وهذا جزء قليل من امجادهم تجسد في هذا الوقفه وقال فيه رحمه الله
هذه القصيده
ياحيسفا يانخوتي بعض الاولاد ماثمنوا لي قولة يالعيالي
كسب العلا صعبا على كل كواد ولا كل رجل للمراجل ينالي
المرجله تبغني لها عزم وجهاد وصبرا على ميل الدهر والعدالي
ياوالله اللي صار للجمس لداد من عقب ماويله يشق الرمالي
شريت انا له كل شي ولا فاد ومن الوكالة حبت له كل غالي
والهقوة انه صايبه عين حساد عسى العمى لصبي عينه خلالي
امس وقبل امس على العين لاعاد وقبله ثلاث ايام واربع ليالي
بارضا خلا مابه من الناس رواد برضا خلا فيها وحيد لحالي
والصدر كن به للهواجيس ميعاد وماكان غاب من الهواجيس جالي
لكن فزع لى خالقي بابن الاجواد لاعل مايقطع للأجواد تالي
بربيعا عشيق مزموم الانهاد لعل عمره دايم مايزالي
وزال الهموم وهان من المر ماكاد الله يجبره من صدوف الليالي
شم قال وشبك قلتله يابن الاجواد شوفك بعينك كافيا عن سؤالي
ثم قال والله لانوديه بغداد وان ما مشى لاياصله لو يشالي
وان كل مايطلب علي نقد واقصاد والله وامانه ماتسلم ريالي
تعيش يارجلا كسب كل الامجاد وحاش المراجل كلها بالكمالي
تبناله البيضاعلى روس الارجاد واعداد ماتذري الرياح الرمالي
من روس زعب اللي يضدون الاضداد زعبا هل الردات عند التوالي
زعبا عزاز الجار بانين الامجاد ودونه تبيع ارواحها والحلالي
هل فرسة من دور عادا وشداد ويشهد لهم تاريخهم والرجالي
والطيب ماهو مشفقا عند الاجواد لكن ذكرته يوم جاله مجالي
وصلاة ربي عد ذعذاع الانواد واعداد ماهبت هبوب الشمالي
الشاعر : دخيل الله ابن محمد ابن دخيل الله الشكره رحمه الله
وادي برك