وش نقول ووش نخلي فالزمان وفي صدوفه تعطي الأيام همّ وتقفي بوقت التسلّي
ليت مالي قلب يحزن من غثا شيٍ يشوفه من متى ماقلت لعروقي من البسمات علّي
ياهبوب النود راسي طاول من العز نوفه علّمي شمسي لاتحرق من هموم الوقت ظلي
دامني مسلم ومن ربه خشع وازداد خوفه ماعلي خلاف لامن صرت بالمسجد أصلّي
من تبع لسلوم جدّانه ورحّب في ضيوفه ياسلام الله عليه وياسلام الله على اللي
يرتفع بعيون خلق الله ولا تثلم سيوفه يوم غيره بالردى ما يرتفع مقدار ملّي
التجارب تترك الرجال للوقت وظروفه ايتعلّم لين يعرف وش يقول وش يخلّي
والرفاقه ماقف وكلٍ يبيّن في وقوفه السوالف خل راعيها لامن ضاقت يولّي
وابن عمٍ صد عن ربعه بتقصر به كفوفه عن مصافح مجده ولو قال مجدي في سجلّي
بكره يقول إن حرق ظرف الزمان المر جوفه غير ربعي بالشدايد لو يضيق الصدر من لي
محمد بن عبدالله الهمّيم