عقّب اللي ذاق مر الزمان ولا سعا والله اللي يرزق الناس من خزاينه
وعقّب اللي يلدغ من الجحور ولا وعا وعذره إنهم من رفاقه وناسٍ ماينه
الرجل ينهض بحِملٍ على حِمله معا والنفوس اللي عزيزه تعاف الهاينه
العرب من جود ربي غناةٍ وشبعا والرجال تميّز الرجل يوم تعاينه
وكل حرٍ ما يخون الأمانه لا رعا والحظيظ اللي لقى الله ولا أحد يداينه
من يفرّط بالنشاما قرابه ونجعا والله إن يرد الحسايف على ضعاينه
الرجل عزم وعزيمه وذكرٍ لا شعا يرفعه في عالي الناس عن طماينه
والعمر ميقاف يومٍ وإلا الداعي دعا والفعايل والمواقف نجومٍ باينه
والله إن نحَطْ فالقبر ونموت جيعا ما مشينا فالمهونه ودرب الخاينه
علي بن غنيم المديبغ