نحّمد الله على ماصار في كل حالي القضاء والقدر مكتوب فاللوح كله
جعل يَكّتَب طهوراً كل ماصاب خالي وأَجعله بالشفاء ياربّ منّ ماحصله
ودنا مايصيبك شر حيث أَنت غالي سالم وسالمٍ ياخال من كل عله
ريف جاره وضيفه والرفيق الموالي والعلوم الوفيه كلها في محله
تكسب النعم والتقدير بين الرجالي راعي المجلس اللي يشمل الناس ظله
وراعي العود الأزرق والنجر والدلالي كل حملٍ ليا جاء عند متنك تشله
أَنت نادر وصوف ولايجي لك مثالي كل دربٍ على صرح المعالي تدله
أَنت من روس قومٍ ماتهاب الليالي كل سيفٍ على روس المعادي تسله
أَنتم أَهل الوفاء يازعب وأَهل المعالي ياعزاز الجنابُ ويالنجوم المطله
وأَنتم أَهل البكار النادرات الغوالي وأَنتم أهل الفخر يازعب دقه وجله
خالد بن محمد بن طامي ال فريح