بين لحضات المعاتب والعتاب والهجر والليل الاسود والنحيب
صابني من كثر ما شفت التهاب ما يداويها المداوي والطبيب
كنت احسب ولا يفيد الاحتساب البنادم ما يحوش الا النصيب
صرت افرّق فالجواب وفالصواب وصرت اميّز بالتهبّد والخبيب
مكتسب ولا يهم الاكتساب البشر ما بين طلّاب وطليب
في عيوني حلم و ابغي له جواب والزمن مثل القدر ماله صحيب
كني الضامي ويتبعله سراب ضاعت احلامه قبل سنّ المشيب
منعزل واحيان مليان اكتئاب مستريب وكل ما حولي مريب
كلها من سبة الي بالغياب سافرت واستقبلت غيم النصيب
ارجعيلي واكسبي فيني ثواب لا تخليني مع جرحي صويب
شوفي عيوني مثل غرّ السحاب وشوفي جفوني مثل قاع الجليب
محمد بن سودان