عاش راسٍ يدحم الجمع في جنبٍ متين من رها يزحم زحول الرجال اللي دهاه
جاب حمرٍ (ن) وافيه كامله في كل زين عـادته لامن نــوى المركز الاول خذاه
فــخرنا فــرحان لامن وقـف فعله يـبين في بنات الـشيك خـلاّ المنافس من وراه
ويـن مـاوجّه يـحـيّـدْ خـصومـه بالـيقين كل راعي ذود لامن حضر يكسر عصاه
جعل عودٍ(ن) عقبه في رياض الصالحين واحــدٍ باسم الـقبيله ينومس مستواه
واحـمد اللـه زعـب في كـل عـلمٍ فايزين كاسـبين الطيب والمرجله فعلاً وجـاه
ماخذين الـطايله من قـديمات الـسنين دون ما نسلب حـقوق القبايل والرعاه
في ظلال الدوله اللي على شـرعٍ ودين قـبلة الاسـلام مـهد الـرساله والـرواه
مملكتنا جـعل من ذمها يبطي حـزين يحفظ الله شعبها والـحكومه والـولاه
في قيادة سيدي خادم البيت الامين الملك سلمان والشعب كله في ذراه
راشد بن شبيب الهميّم