في محل الجود لوفنجال دله
عند من بالطيب ربعه يمدحونه
مايخسر صاحبه يالربع لله
لوضروفه مامدحها اللي يجونه
الدها طيب النبا طبع وجبله
وارد عدود الروى ماينكرونه
مايحسب للزمن دقه وجله
يوم بيت البخل ماتذري ركونه
صاحبه لوزاد ماله في سجله
دون وجهه بالوفا مايشكرونه
قدم شبحه لويزيد المال قله
ولارحل ماله معه مايدفنونه
منزل الاحرار في روس المطله
ومن نزل برض الوطا مايذكرونه
الخوي اللي على مذهب ومله
عل خده للحيا تمطر مزونه
ومدور الارباح لاتنصى محله
لاسمع بالفايده زادة جنونه
الطمع لازاد وسط الجوف عله
ماصدق راعيه حتى مع زبونه
اذكرالله وبتعد عن كل زله
وشكر اللي كل خلقه يرتجونه
سعد بن تركي السحوب