صحيفة الفرسان - تصميم / ناصر شمروخ الزعبي
.
مرحبا يا ذيب ياللي على القمة عويت
كل ذيبٍ يسمع عواك لك قام وعوا
غير من بالمملكة من قطر ومن الكويت
جوك يا معوّدهم الفوز من كل انحوا
حضّر تلادك ومنّي لها عشرين بيت
كنّها ركب العقيلات في عيون الجوا
لك هل الحيزا تعزوت معك يوم اعتزيت
عزوةٍ تعرف من ارض اليمن لا نينوا
قدّم اللي صيتها صامتٍ له كل صيت
نخبة النخبة خذتها جدارة و ارهوا
الجوايز صوبها صدّروها اترانزيت
اسمها يحرق الاسامي وميسمها كوا
زيّن الله خلقهن كلبوهن كومبليت
الاوّلة والتالية في وصايفهن سوا
كنّها ترقا والا شفتها ماعد مشيت
يسحر اهل الصنف فيها فخامة مستوا
الغضب في الخشم والشدق الاسفل مستميت
ودّها تنطق لوا ثم لوا و امية لوا
كنّها سبكٍ من التبر مخلوطٍ اقليت
فضةٍ تسطع على عين ناظرها ضوا
لاقبلت بنحورها كنها تجمع شتيت
طافحات وجيه كنْها اتدوّر للهوا
داجراتٍ كنّها شارباتٍ من كُميت
والسطر في روس اهلها وللفوز اتخوا
كنّها لسان اللهب لو يجيه شويّ زيت
أو كما صفّة بتدريب في حضرة لوا
يا منافسنا ترا شوطنا به دينميت
احذر احذر لا توهق ترا الحرب اشعوا
لا تعلّق في لعلّ و عسى و تقول ليت
ابك هذي هي عما عين من يبغا الدوا
والله انك مثل ساري الليالي دون ليت
برّق بنفسك و تلقا ضياعٍ و اسهوا
ادر بنها عوقك ان كان عادك ما دريت
لا تقاوي من ذراعه على ذراعك قوا
ذي بنات الشيك ياللي تحدّاها غديت
طيبها من طيب هرشٍ بها منه اتهوا
عند قرمٍ سبّله من صباحه للمبيت
و العرب تنزل نزوله و تنوي لا نوا
والله ثم والله يافرحان بن فالح وفيت
يا مجمّل زعب في كل محفل وادعوا
حمد بن نايف المدلاج الزعبي
التعليقات 1
1 pings
ابن فواز
03/04/2017 في 8:01 م[3] رابط التعليق
صح لسانك يا حمد