.
قصيدة ترحيبية في حفل زواج
علي بن غنيم المديبغ
قال منهو إلا غنّا يجيب الجزيل الجزايل عوايدنا وحنّا لها
ما تبين الرجال الا بيومٍ ثقيل والجمل لا برك للكايده شالها
يوم فاحت معانيها ببنٍ وهيل عدّها للرجال وصب فنجالها
مرحبا عد ما لاحت بروق المخيل النشاما تحشّم من تعنى لها
مرحبا بالضيوف عداد سيلٍ يسيل ليلةٍ تحسب من العيد وليالها
مرحبا ياهل الحيزا ملاذ الدخيل لابتي زعب والامداح من فالها
يومها ضرب سيف ويومها دبك خيل لابةٍ تامن الهياب بضلالها
قسمنا وأسمنا ماهوب يومٍ وليل سيرةٍ خطّها الأجداد لـ عيالها
يفرح إبنا الدريك وناقضات الجديل دونها الروح جعل الموت يشتالها
علي بن غنيم المديبغ