.
مرحبا حياكم الله على سمن وسمين عند قومٍ للمواجيب تحيي نارها
مرحبا حياكم الله جميع الحاضرين رحبت دار أهل الطيب باللي زارها
أبرك الحزات شوفت وجيه الطيبين ليلةٍ بين الليالي تزيد أنوارها
باسم منصور اطرق القاف والقاسي يلين وأتنومس بأهل المرجله وأذكارها
نسل ربعن تكسب المجد بالسيف السنين كم ديارٍ فعل ربعي يدك أسوارها
في نهارٍ يطلع الفعل والخافي يبين من سطرهم كل نافر تروم حوارها
كاسبين الطيب ميراث سلم الاولين ربعي السطام كلٍ يعرف أخبارها
سجل التاريخ لمجادهم علمٍ ثمين لابتن مايطمعون العرب بديارها
من سلايل زعب ذروة سنام المعتلين زعب يومن الاصايل يثور غبارها
كم عقيدٍ راح من ضربهم خالي يدين كل ما عالت علينا قصفنا اعمارها
كل زعبي عاش بالأرض مرفوع الجبين والحرار الصيرميه تعرف أوكارها
قلتها وأنا لك الله ماذم المسلمين كل لابه تفخر رجالها باذكارها
حق ربعي ذكرهم فالشمال وفاليمين القبايل صيتهم تنشره شعارها
ومرحبًا باللي حضر في محل الغانمين ليلةٍ بين النشاما تروح أخبارها
ناشي بن فراج الخوير