.
في ليلة من ليالي الفرح احتفل ناصر بن عبدالله السطام بزواج نجله « عبدالله » وذلك يوم الاربعاء 2016/7/13 بقاعة الاندلس بحي عبدالله فؤاد بالدمام وبحضور جمع من الأهل والأصدقاء المحبين والمهنئين غمرهم الفرح والسرور
صحيفة الفرسان تبارك له وتتمنى له حياة سعيدة وأن يرزقه الله الذرية الصالحة .
يالله جملني ليا مني وصلت المقرفون بالشرد اللي مثل حد السيف في مضرابها
سوق القصايد منفرد والصدر للجزله زبون والطيبه قال المثل في حض من يبدابها
الشعر ماهو ملك احد والفرق في سبك اللحون احدن عشاه بندقه واحدن بوسط جرابها
إن كان ماطرب مسمع النقاد بالحرف المصون الشاذليه لا يجي قدامنا صبابها
ساع استوت عصم البيوت اللي مثل طش المزون من هاجسٍ يثني ويدهن دقنها واشنابها
تدفن عظامي ما مدحت اللاش وعيال العفون اعرف مخارج كلمتي واعرف مداخل بابها
يوم المدايح عملتن مابين معطا ومغبون الروس روس بذكرها ماهي سوات اذنابها
وقبيلةٍ في حجم زعب اهل الوفا قافي يمون والكلمه اللي ماتناسبني تركت اعرابها
اهل الكرم واهل النقا و الحيل من فوق الصحون يقلط عليها الضيف من قدره وطيب اصحابها
ويوم الليال الماضيه كونٍ يجي في سد كون ربعك عذاب المعتدي والنار من شبابها
اليا عتلو قحص المهار المسرجات يوردون شلفٍ تحوّل بالعقيد اللي طمع ماهابها
لباسة الجوخ الحمر سترٍ لمدعوج العيون وحماية اللي من وصايفها طوال ارقابها
لطامة خشوم العدا صوارمٍ مايرحمون لا ولعت سلو سيوفٍ باليمين انصابها
لو جار وقتك يازمن زعب الشجاعه ماتخون الجار محمي في ذراهم والسعد مرقابها
ماهو بنا اللي قالها كل القبايل يشهدون بالوقفه اللي سجلو عنوانها بكتابها
اقولها ومطير ربعي سربةٍ ماينثنون بقعا على الحجان نلطمها ونكسر نابها
اعدها لك يابو محمد وخالك مايهون خوالك اللي يلبسون الطيب مثل ثيابها
عيال عودٍ فاللوازم يدركون ويفرقون لا كبرت القاله يمانيهم تفك انشابها
المرجله تبغا عيالٍ دونها مايبردون اللي يدوسون الحتيفه لو تلوا دابها
وانتم عريبين المجاني والمناسب ماتهون مثل الحرار اللي تدسم بالعشاء مخلابها
إن كان ماقلته يجمل ياعرب تستاهلون وان كان فيها شي معذاري يتم نصابها
اهداء لـ/ حفل السطام
الشاعر/ وليد خالد المطيري
