.
قصيده قديمه حصلت على جائزه في احد مهرجانات سباق الهجن
انا حالما حلما لعله بشاره خير ان البر تسقيه المزون ويعلنه
وان الباديه ما عاد تعطي الحلال شعير يشبع بالرياض الخضر والسحب يسقنه
وانا والله ان ودي بزياره صمان مطير على الهجن مابي ركوب جيبناً ولا دنه
ترا الهجن في تاريخ يعرب هن المصير وهن الي يودن الزهاب ويجيبنه
نجوب الصحاري فوق ناقه وفوق بعير ولا احتجنا اللبن حرد الايادي يدرنه
ولا هبت النكبه واحتجنا ذرا الحجير ناخذ من وبرهن والعذرا يغزلنه
ولاحتجنا لحمهن قد سبقنا عليه عمير في عصر مضى مكرم هل الهجن لاجنه
ابوها عبكلي وامها من ضنا شمطير تخز الرديف وكنها جافله منه
لا قامت تمايل مع صدى الصوت وقت عصير من قو السطر كنها من الصوت منجنه
وعلى ردوفها بحط لي مربط للطير مع بنت السواري والمعاميل والشنه
ابي هناك والجوال باكسره تكسير وبالريف حيث الريف لامثالنا جنه
وحنين الحوار وحنه امه مع الهدير وشوف الحشو لا جت وقت الادماس مستنه
افضل من ازعاج المدن والهم والتفكير هموم تلاطم راجح العقل يوذنه
مطلق بن شنار المديبغ