.
السلام عليكم ورحمة الله وبركاته
أعزائي ابناء قبيلة زعب الأفاضل
اقدم لكم شيلات صفر زعب بمونتاج جديد
ارجو ان تنال على استحسانكم ورضاكم
مونتاج وتصميم / ناصر الزعبي
يابوك ياسطام والهاجس غدى فيه اجتوال مثل الحيام اللي على العد الرهاوي ورّدْن
عطني مجال وخذ عوضها في مقابيل الليال اليوم أنا خارج تفاصيل المعالم والمدن
لأني مع الهاجس ليا دندن سريع الانفعال اجاوبه في ملاعب القيفان وانشاد اللحن
واللي مهيضني ويحداني على طيف الخيال عودن مضريّها على تمّت ماقال انظّر غدن
له عادتن في لطمة العايل وفي مد الجزال وان عودت لمجابه العراف ينطق ما يكنْ
ابن عويش راعي الطالات شيال الثقال ترفع له البيضاء من أرض الشام لحدود اليمن
عز الله أنه ساق له صفر تماري فالنزال ألوانها من كسرة الكمبود يوم أنهن بدن
لا عرضت خطو العنود اللي تغنّج فالدلال أنظار عشاق الفرايد صوبهنه لددن
يدحم بصفرن زينهن فارق ولافيهن جدال المركز الاول لهن تحقيق كان الله ضمن
تلع الرقاب وفاهقات اظهور والغرب طوال ولحيها طفح تقول انها تخيل ألها مزن
اتلاد وانتاج المعنى ماشراهن بريال النادرات الفارقات بزينهن مايفتدن
أقيامها عتق رقبة و تفك مسجون الرجال تقّنع أهل الدم وتطفي حساير وقدن
على جنبها لابتن ماسايست بالأحتمال تضرب على حصن الطغى ويعّود الطاغي وهن
زعب العريقة وأنشد التاريخ عن شم الخصال كم دولتن بأسبابنا راحت وكنها لم تكْن
الحاكم اللي قد طمع بالجار ماجت له عدال من دون حق الجار دايرت المنايا تطحن
وكان القبايل فاخرت بالكسب في يوم القتال حنا على جيش الزناتي مثل سلال البدن
من نجد حولنا على حكمه وغنا يوم قال حلمت في قومً من المشرق يجيبون الفتن
ومناع ابو رجلين يالسور الكويتي ما يزال أسمه على تقويم الأيام ودلالات المحن
وقفاتنا من ريفنا للجار مضرب للمثال وافعالنا لمناطح الحكام ما أمحاه الزمْن
هذا على ذكر الدول واللي تطرا لي خلال مواقفً مريتها بين التفاخر و الشْـجن
واليوم من فضل الولي بأمن وأمان وزّين حال أرواحنا ياجعلها دون العقيدة و الوطـن
والشاعر اللي ما يجمل لابته لا جاء مجال ودك على فعله من الأحداث يكساه الكفن
مواقف الرجال تّذكر فالجدايد والسمال أما على قولة كـفو والا على قولة
ابراهيم بن فراج الزعبي
ياهل الحيزا مطوعت المعادي ياهل الوقفات لا جا معتكلها
مروية حد المذلق والهنادي والمصايب مالها الا روس اهلها
كم عقيدٍ قد حذفتو من الشدادي ما تدارون النفوس ولا زعلها
ضربكم فالروس ولا فالثنادي وابلكم ماينطمع حتى بهملها
والتلاد اليوم نادى له منادي والحمول الكايده يبرك جملها
وانت يابن عويّش بيوم العنادي كل حمله بالمواقف تحتملها
يا محمد قدم الصفر النوادي كل دلمناً راهيه ربي قبلها
خل صفرك تحتمي شوط التلادي لا دعو بالاوله منهو بطلها
دوه لصفرن حلاها زود زادي لين تلحق شفها وتاتي باملها
كل مرعاً فارعن هزعاً سنادي والرقاب الجرد زايدتن فصلها
كنها تحايل لعمدان الجرادي زينها بالرق ناتبها فحلها
والجنب من زعب خطلان الايادي لابتن تاطا وعرها مع سهلها
محتمين البل لا جا يوم الطرادي والعدا من فعلهم بين خملها
من غدا دلوه لامن صار غادي لين حتى سيرته يعرف عدلها
خصمهم عيشه نكادن في نكادي والله ان افعالهم محدن جهلها
الشاعر : فلاح بن جليغم
باسم الله اكبرعظيم الملك نبدى به بامره تجيك السحابه من مناشيها
ارسل رسول الهدى لجل انتقدى به عليه وازكى الصلاه اللي نصليها
سلام تسليمتن بالدين وآدابه تحيتن في الشريعة يوم نلقيها
ياهل الصفر والمزاين شرعو بابه اخوان مريم على العليا مباديها
جينا نسوق الذهب للفوز طلابه ومنافس ارجال مانجحدباساميها
حلو البكارالفرايد مالها امشابه ربحان منهو مع العربان يقنيها
اطيب فحول الجزيره شوفو انجابه ياهل الصفر صفرنا يتعب مجاريها
جينا جنبها مع العربان طرابه واللي يتقدم لها واللي يباريها
في جنب عودن علينا غالي حسابه من روس قومن تشرف عند طاريها
وابو علي من رجالن دوم غلابه اهل الركاب المسماتن مغازيها
يا بن عويش ياباب البيت واطنابه اقدم ترى الكايدة لك وانت راعيها
لك زعب تاقف فخر والنار شبابه يامجملن وجه ربعك في نواديها
اقدم ترانا هل الوقفات والجابه العزوه اللي تغنابك عزاويها
يوم انها فالجهل والوضع كالغابه اما انتعشابها ولا نعشيها
واليوم وقت الرخا والكل يهنابه يارب تحفظ لنا الديره واهاليها
عبدالله بن عجين الزعبي
تفاخرو يازعب عربين الجدود اللي لكم في كل ميدانً نجاح
مدلهين الجار من عاد وثمود وميتمت الامهار لا كثر الصياح
وانتم هل الحيزا فهودً من فهود يوم القبايل في هجاد وفي صباح
خمسة عشر عاماً مصادير وورود على حياض الموت مروين السلاح
وفكاكة المحبوس لاذل الشرود عز الخوي لاقيل وين عبيد راح
عود ابن هدلان معواد محمود وافتكه من القوم في وسط المراح
ماقلت قول الا على فعله شهود شاعر ليا غنيت سدي مايباح
اصل الشجاعه ورث زعبً من جدود وساس الكرم في زعب مخليت المراح
ياهاجسي ماعاد بالماقف صدود الضاميه تارد على العد القراح
من دار ابن عبدالعزيز ابن سعود الصفر شدت والوعد دار الصباح
ابن عويش شاش والمرقا سنود يستاهل الفنجال يوم البن فاح
ماشدد ابله باغين بالارض عود الا يبا يفرق جناحً عن جناح
ويحط راس العود في عين الحسود بتلاد طياحات والروس الطفاح
صفرً تداوي كبود وتعل الكبود ويلي تحدا طق راح ببطن راح
ان شفتها بالعرض تبراها الحشود مع دربك الي جيت وافلح يافلاح
محمد بن وافي الزعبي
رفرفت بيارق الشعر باليوم الكبير المعاني في سمانا لها برق ورعد
بالشعر لامن وقفنا نبصّر به ضرير والآذان الصم بالشعر ، نِـسمعها بعد
لاحضرنا يفرح اللي يبي الشعر الشهير كل بيتٍ بالمعزه يرزنّه عمد
لا بدا يوم المداحم وصار الوضع غير نقبل بصفرٍ على الطيب راعيها وَرد
كل راعي ذود لامن حضرنا يستخير وإن بغى يرهي على الفوز لايذخر جهَد
جات صفر بن عويّش على الجمع الغفير جات كنها موج بحرٍ غزيرٍ له زبد
سم بالله وألعن بليس واضرب بالعسير المواقيف العسيره تبي مثلك ، ولد
جبت صفرٍ فارعاتٍ ولا فيهن قصير الغزايز روسها كبار والغارب سنَد
وسمها المخلب تلادٍ ولا فيها خشير في طرفنا تأمن الخوف والشاهد شهد
لاسمعت صوت المنادي من القاع بتطير من سطرها كنّها ما ترى بالعين احد
في طرف زعبٍ هل العز مزبان القصير لا قدحو نار الحرايب ويومٍ به كِـبد
كل عسرٍ ما يصيّر بإذن ربي يصير العدو نكحل عيونه ونملاها رمد
وإن زهمنا ناقض الراس لاباس الحرير يومها طعم المنايا مثل طعم الشهد
علي بن غنيم المديبغ