صحيفة الفرسان ـ تصميم القصيدة / ناصر الزعبي  

.

جديد الشاعر عبدالله بن عجين الزعبي حصرياً لدى صحيفة الفرسان الإلكترونية

اداء / مشعل بن هميم

الطيب مايجلب على روس الرخوم راس الردي ما قيل يومن جمله
الطيب بين الناس معطى ومحروم احدن خذا قسمه واحد ماحصله
يالله دخيلك من مودين العلوم اللي تسوي كل يومن مشكله
اللي نهار الواجب وعند اللزوم ماوقفوا به يوم ماهم من هله
والله يعز اللي مقدر وأمحشوم اللي يشيل الحمل ويقول أزهله
صميد عن قسمه من أكبار القسوم تلقى الفضيله عند ناس أمفضله
واهل الركاده حظها دايم يقوم واهل الندامه دايمن مستعجله
وانا الذي اجراء على الصدق وجزوم عديت فاللي كل حرن يدهله
اجاري اللي تبتسم لي كل يوم مشاعرن فيها العلوم أمفصله
واللي يطب البحر مايعرف يعوم مثل الذي انهى حياته بجهله

عبدالله بن عجين الزعبي