.
يامل قلب يضيق وضيقته قشره لامن طرت له علومه باحت سدوده
مع كل نود ٍ يهب يحس بالحشره ومع كل براق يضوي ترجف رعوده
صحيح للوقت ضحكه بس له كشره تخلي أفكارنا ماهي بمحدوده
نسج وأفكارنا فالجو منتشره هذي لها روحه وهذي لها عوده
وياخوك لا تنشد الضايق ولا تشره إن شفت ردة فعل ماهي بمعهوده
وعن باقي العلم يكفي موجز النشره ولا تِجهِد المجتهد وتزوّد جهوده
أقسى شعور الفراق اللي بعد عِشره كنّه شعور بدوي ٍ بايع ٍ ذوده
مبارك فالح الوشمي